هذا ماحدث مع اعضاء شباب اليوم فى مظاهرة 27 يناير

28 January، 2011, 12:17 AM

السلام عليكم ورحمة الله وبركاتة

النهاردة ياجماعه كان يوم مش عادي خاااااالص
احنا كالعادة الحمدلله مشاركين فى كل المظاهرات ووقفات الاحتجاجية ضد الفساد والظلم ،،

يوم 25 طلعنا طبعا مع المظاهرات فى الاسماعيلية ودي كانت الصور اللى صورتها بكاميرة الموبايل
http://vb.shbab7.com/showthread.php?t=91753

المشاركين
احمد عبدالله (الكبير اوووى- مروان )
محمود عبادى ( مودى)
احمد عبادى (ألجينرال - فهد )
محمد الامير (جولد ميرو - ميرو )

النهاردة طلعنا عادي زي كل يوم صحيت على 11 كدا لقيت ميرو جايلى البيت وكله همه ونشاط وبعده مروان و فهد كان فى البلد هناك
المهم شربت الحلبة طبعا بتفأل بيها هههههههه وطلعنا ،
مروان كان جايب علب الوان حيطان علشان ندهن بيها وشنا
بس كان ليها استعمال تاني يعنى

المهم نزلنا البلد وكانت المظاهرة فى منطقة اسمها المثلث (الممر)
اخدنا تاكسى ورحونا هناك لقينا قوات امن مركزى وقوان مكافحة شغب كتير جداااااا ودي الصور من هناك

عربيات الشرطة والامن والترحيلات فى كل مكان ، اعداد رهيبة

المهم احنا روحنا من شارع تاني بس فجأه مالقتش مروان وفهد كان موجود فى وسط الناس دى

هههههههههه تخيلو المنظر عامل ازاي شايفين السواد اللى حواليهم بس ماكنش فى مكان للخووف

والهتافات تتعالى
(الشعب ــــــــ يـريــد ـــــ اســقــــــاط النظااام)
كان فى حوالى 3 تجمعات زي دي
الامن طلع زكي وفرق المتظاهرين عن بعض بعمل كورديونات حول المتظاهرين

المهم حاولنا ندخل معاهم بس ماعرفناش الظباط والامناء شرطة كل اللى نقوله عايزين نتظاهر معاهم
اللى يقولنا روحو اتغدوا واللى يقول روحوا ذاكرو احسن
المهم جمعنا عدد كبير علشان ندخل وسطهم
بس كل المحاولات فشلت ،، لقينا ناس عامله مجموعة وفي فتحات وسط الامن المركزى وعرفنا ان احنا ندخل فى وسطهم
دخلنا والمجموعة دي كبرت جدااا وبدأت تتحرك الى الشارع الرئيسي والامن المركزى بيتحرك معاها والمظاهرين
يرفعوا الصوت الله اكبر الله اكبر

طبعا الوضع مش مطمن لقوات الامن ،، راحوا استعدوا عربيات تدعيم
وعربيات تفريق المظاهرات بالمأء

المظاهرة طلعت فى الشارع الرئيسي والعدد كبر
بس عدد قوات الامن كان بيزيد كل شوية (مش عارف بيجبوهم منين دول)

بعد الخروج من الكورديون وزيادة عدد المتظاهرين
قامت قوات الامن بعمل مناورات من الشوارع الجانبيه وتشكيل حلقات على المتظاهرين مع الاعتداء عليهم طبعا واعتقالهم

وتم استعمال من قبل قوات الامن عصا كهربائية لشل حركة المتظاهرين و اسبيراه فلفل
ورشة على عيوون المظاهرين واليكم الصورة التى توضح ذالك وهذه الاشاء محرمة دولياً

اشتدت حالة الغضب من المظاهرين وحدثت اشتباكات عديدة وااعتقلت قوات الامن المزيد
شباب وبنات

وتم اعتقال مودى ترحيلي الى معتقل عز الدين

==========================================
دخلت عربية الترحيلات كنت ممسوك من 4 قوات الامن وعدد المعتقلين وصل الى 80 معتقل من المظاهرات عند الممر وميادين وشوارع اخرى فى المدينة

دخلت العربية لقيت ناس مغمى عليها واللى وجهه احمر أحمراار شديد من مفعول اسبيريه الفلفل

المهم العربية طلعت من الممر وكان معايا فى العربية
مهندس ومحامى ودكتور بيطرى وشباب جامعات و اخوان مسلمين

قولنا هياخدونا على قسم شرطة مثلا ويحققوا لقيناهم طلعوا على معتقل عز الدين

طبعا الناس خافت بس الحمدلله ربنا الهمنا الصبر نزلنا فى المعتقل
كان عددنا 15 فرد ،،
اخدوا البطايق والموبايلات واسامينا
وكل واحد اتفتش تفتيش زاااتى ودخلونا عنبر
المهم الاحداث سخنت جامد فى اسماعيليه بعد الاعتقالات وتم احراق قسم شرطة الشيخ زايد واعتصام المتظاهرين فى الميادين من اجل الافراج عن المعتقلين

الحمدلله كانت فى ناس عاقله جداا و الناس اتحلت بالصبر

كان اذان العصر بيأذن ،، كلنا اتوضينا وصلينا العصر ورا شيخ من الاخوان المسلمين
وقعدنا مع بعض نتكلم عن مصر والاحداث اللى بتحصل فيها
الدكتور اللى من الاخوان كان خبرة فى الحجات دي ههههههههه

المهم فضل يقولنا ياجماعه ان شاء الله خير المهم نحافظ على المكان اللى احنا فيه ده
ونشيل القمامة بعد ما ناكل وكدا وكل واحد عليه دورية كل يوم فى الاكل والصلاة
هههههههه احنا قولنا فل شكلها مطوله
وفضل بقى يتكلم عن الجهاد فى سبيل الله وبصراحة انا ارتحت من جوايا وحسيت انى صوتى طلع مابقتش بخاف من اي حاجة خلاص بعد ماقعدت فى عنبر المعتقلات ودخلت لانى بتظاهر من اجل بلدى وبدافع عن حقوقى ،،،

اتعرفنا على بعض واخدنا ارقام وايميلات بعض وفى ناس على فكرة منهم هيدخلوا شباب اليوم ان شاء الله النهاردة وبكرا ،،

باب المعتقل دق ! ،، لقينا عساكر جايه بحلة عدس و3 علب جبنه وعيش ابيض

قعدنا وفرشنا اكلنا وبصراحة العدس كان جامد اووووى عايز اروح تانى عشان اكل منه

اتكلمنا كتييييييييييييييير بعد كدا عسكرى دخل ومعاة بطاطين
قولنا تمام القعدة شكلها فيها اسبوووع على الاقل

سلمنا امرنا لله بالدعاء ،،،

بعد كدا صلينا العشاء على الساعه 8
كله دخل اتوضا وصلينا واحنا فى الركعه الاخيرة ،، فضلنا ندعى كتييييير ،،
اللهم فك كربنا والحمدلله اثناء السجود
كان رئيس مباحث الاسماعيليه بيفتح باب الزنزانه ،، سمعناه صوته وهوا بيقول سبوهم يصلوا ،،، خلصنا صلى والحمدلله
اتفجأنا وهوا بيقول يالا ياجماعه علشان هتخرجوا

طلعنا واخدنا حاجتنا ،، اتصلت بأحمد اخويا
قالى انهم معتصمين فى ميدان المثلث علشان نخرج الناس اللى اعتقلت والحمدلله
ماكنش فى حل غير انهم يطلعونا علشان يفضوا الاعتصامات دي
انا بصراحة روحت على الممر تاني علشان لو فى حاجة
بس كان الاعتصام خلص رجعنا البيت والحمدلله
ونازلين بكرا كلنا بعد صلاة الجمعه ومش هنسكت ،،
وبجد اتعلمت من الكام ساعة اللى فى المعتقل ده
حجات كتير اووووى ،، وكفاية انه كسر حاجز الخوف اللى جواانا
،، مروان كان اتاخد فى امن الدوله هوا وناس بس الحمدلله قدر انه يهرب ومشيوا

المصدر: منتديات شباب اليوم

28 January، 2011, 12:37 AM

ايه الاحداث الجامدة اوي دي
ربنا يحميكم يا شباب والله انكم رجالة بجد
يا كده الرجالة يا بلاش
جدع يا مودي انت ومروان والشباب كلهم والله اثبتو انكم مصريين وشجعان بجد
بعدين السجن للرجااااااااااااااااااااااااااااااالة معروفة دي
ربنا معاكم يا رب
انا فرحانة اوي بيكم والله وفخورة

2 February، 2011, 12:29 PM

شكرا حورية على المرور
وهوا ماكنش سجن كان اعتقال بس مدة بسيطة بسبب الاعتصام اللى عملوه الشباب عشان اخرج
نورتى التوبيك

2 February، 2011, 12:50 PM

والله بجد حاجة تفرج
خرجنا من عقدة الخوف خلاص
الله يحميكم يا شباب
بجد ربنا يحفظك محمود

2 February، 2011, 1:39 PM

الحمدالله انكم طلعتو منها سااالمين لانى كنت بتاابع الاخبااار وخفت عليكم كثير الحمدالله ربنا ستر...

2 February، 2011, 1:46 PM

انا بحس فيك يا مودى روح الشباب وبالذات الصورة اللى انت حططها عجبانى اوى بجد كل ما اشوفك بحس انى لسة فى رجالة بجد بتفاءل بيك وسالت ساسو عليك وزعلت لما عرفت انك اعتقلت بس يلا الاعتقال للرجالة هههههههههههههههه المهم انك عملت اللى فى دماغك ووقفت قصاد اى حاجة رجال يا مودى من يومك وبرضه عجبانى الصورة بس سؤال ليه حطط البتاع على بوقك

28 January، 2011, 12:37 AM	#2
الكاتب الحورية	ايه الاحداث الجامدة اوي دي ربنا يحميكم يا شباب والله انكم رجالة بجد يا كده الرجالة يا بلاش جدع يا مودي انت ومروان والشباب كلهم والله اثبتو انكم مصريين وشجعان بجد بعدين السجن للرجااااااااااااااااااااااااااااااالة معروفة دي ربنا معاكم يا رب انا فرحانة اوي بيكم والله وفخورة أقرأ ايضاً

2 February، 2011, 12:29 PM	#3
الكاتب MOODY	شكرا حورية على المرور وهوا ماكنش سجن كان اعتقال بس مدة بسيطة بسبب الاعتصام اللى عملوه الشباب عشان اخرج نورتى التوبيك أقرأ ايضاً

2 February، 2011, 12:50 PM	#4
الكاتب ROONY	والله بجد حاجة تفرج خرجنا من عقدة الخوف خلاص الله يحميكم يا شباب بجد ربنا يحفظك محمود أقرأ ايضاً

2 February، 2011, 1:39 PM	#5
الكاتب racha	الحمدالله انكم طلعتو منها سااالمين لانى كنت بتاابع الاخبااار وخفت عليكم كثير الحمدالله ربنا ستر... أقرأ ايضاً

2 February، 2011, 1:46 PM	#6
الكاتب ضئ القمر	انا بحس فيك يا مودى روح الشباب وبالذات الصورة اللى انت حططها عجبانى اوى بجد كل ما اشوفك بحس انى لسة فى رجالة بجد بتفاءل بيك وسالت ساسو عليك وزعلت لما عرفت انك اعتقلت بس يلا الاعتقال للرجالة هههههههههههههههه المهم انك عملت اللى فى دماغك ووقفت قصاد اى حاجة رجال يا مودى من يومك وبرضه عجبانى الصورة بس سؤال ليه حطط البتاع على بوقك أقرأ ايضاً

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

مواضيع اخري هذا ماحدث مع اعضاء شباب اليوم فى مظاهرة 27 يناير
صور مظاهرات 25 يناير فى الاسماعيلية ، فيديوهات مظاهرة 25 يناير
صور مظاهرة مصر 25 يناير ، اخبار مظاهرة مصر 25 يناير
اعضاء شباب اليوم الجمعه 18 \11 \2015، اعضاء شباب اليوم مليونيه تسليم السلطه 18\نوفبر
اعضاء شباب اليوم فى اسكندريه اليوم محاكمه الظباط فى قضيه قتل الشهداء حصريا
هام جدا لكل اعضاء شباب اليوم اكسب لاب توب