للكوسه في بلادي شئون من مصراوي
شباب اليوم

العودة   منتديات شباب اليوم > المنتدي العام والنقاش > منتدي المواضيع العامة والنقاش

للكوسه في بلادي شئون

للكوسه في بلادي شئون بتخلي المسنود فرعون يتفرعن فين مهما يكون وتخلي الجاهل أستاذ والأعرج لاعب جمباز وتخلي الأحول هداف والكوره

 
12 July، 2010, 12:34 AM   #1
الكاتب مصراوي


للكوسه في بلادي شئون



بتخلي المسنود فرعون

يتفرعن فين مهما يكون

وتخلي الجاهل أستاذ


والأعرج لاعب جمباز


وتخلي الأحول هداف


والكوره الآوت ف الجون


للكوسه ف بلادي شئون


لو تعرف واحد ف الشرطه


راح تخرج من أجدع ورطه


والراجل اللي انت ظلمته


تلاقيه متلقح مسجون


أو تعرف شخصيه كبيره


شغاله ف البنك مديره


راح تاخد من غير ضمانات


كام قرض بمليون مليون


وهروبك طبعا مضمون


ويا عيني لو تعرف نايب


ف المجلس مش نايب خايب


راح تبني أبراج وهميه


أوراقها مظبوطه أكيد


وفلوس الناس المهريه


حتجيلك م الجيب للإيد


بعديها تروح المستشفى


وتقيد نفسك مجنون


أحكامك تسقط ف ساعتها


بعديها ترجع موزون


ويا عيني لو تعرف شيخ


فجنابك طاهر علطول


وصيامك طبعا مقبول


وإذا فرضا حبيت تتجوز


تتجوز من غير مأذون


وإذا ساكن ف عماره جديده


وحبيبك راجل مسئول


فسيادتك من غير ما تقول


يركب لك فورا تليفون


ولو انت عندك عربيه


ونمرها سوده بنسرين


حتعدي أجدعها كمين


وحتكسر أوضحها إشاره


ماهو نمرك سوده جباره


ولا تعرف أيتها قانون


ولو انت بتعرف فرّان


أو واحد بياع جرنان


راح تاخد طلبك وحتمشي


من غير ولا دوشه ولا دور


والناس الغلبانه حتاخد


طلباتها بعدك وتغور


ماهو كله غيرك بيهون


ولو انت زميل الحلاق


راح تحلق اولها زبون


وإذا كنت بتعرف دكتور


حتعيش متطمن مسرور


وحتسلك ف لجان الشفوي


ومجال تعيينك موفور


وحتطلع فالتليفزيون


بالبدله وفيها الببيون


تتكلم وبكل بساطه


عن شرف المهنه المدفون


لكن لو شاعر غلبان


قلت اللي ف نفسك علطول


حيقولو مين قال لك قول


ويهاجمك مليون إنسان

وفى الاخر انى عاوز نقوول ان للكوسة فى بلادى شئون


أقرأ ايضاً



للكوسه في بلادي شئون

 
12 July، 2010, 12:40 AM   #2
الكاتب همس الجروح


هههههههههههههههههههههههههههههههههههههه

والله فعلا يامصراوى هى دية الحقيقة فى بلادك وفى بلادى :d

تسلم ايدك على الموضوع الجامد دة

أقرأ ايضاً



 
12 July، 2010, 2:57 AM   #3
الكاتب MOODY



الكوسه فى مصر كترت اووووى بجد

مع ان البتنجان احلى والله بس مش عارف الناس ادمنت الكوسه

يلا ،،،،،،،

تسلم ايدك يامصراوى على التوبيك


أقرأ ايضاً



 
12 July، 2010, 3:04 AM   #4
الكاتب Ūm-Ćhêķǿ Đx


والله ابدا يا جماعه

كفايه قول الرسول صلى الله عليه وسلم

خير فى وفى امتى الى يوم القيامه

وصدق رسول الله صلى الله عليه وسلم

هو اينعم فى كده بس الاخيار اكتر من كده

تحياتى
أقرأ ايضاً



 
12 July، 2010, 3:07 AM   #5
الكاتب PrInSiSa


يعني ايه كوسة ؟
انا اسفة ؟؟؟

أقرأ ايضاً



 
12 July، 2010, 8:09 AM   #6
الكاتب Ūm-Ćhêķǿ Đx


كوسه دى اكله مصريه

بس فى ناس كتير متبحبهاش من مصر

فبيقولوا دى كوسه على اساسا يعنى الحكم ده مش عجبنهم=كوسه

طبعا مفهمتيش حاجه

مش مهم

كوسه=حاجه غلط


أقرأ ايضاً



 

Powered by vBulletin®Copyright ©2000 - 2014
جميع الحقوق محفوظة لمنتديات شباب اليوم 2018
المواد المنشورة فى موقع شباب اليوم لاتعبر بالضرورة عن وجهة نظر الإدارة وإنما تعبر عن وجهة نظر كاتبها