هشتكنا وبشتكنا يا ريس من XXx Esraa xXX
شباب اليوم

العودة   منتديات شباب اليوم > المنتدي العام والنقاش > منتدي المواضيع العامة والنقاش



هشتكنا وبشتكنا يا ريس

النقد للحكومه و مبارك بقي كل يوم في الطالع و أنا من موقعي هذا أحب أن أدافع عن حكومتنا الذكيه الرشيده و أوضح بعض النقاط التي قد تكون غائبه

 
2 April، 2010, 11:18 PM   #1
الكاتب XXx Esraa xXX


النقد للحكومه و مبارك بقي كل يوم في الطالع


و أنا من موقعي هذا أحب أن أدافع عن حكومتنا الذكيه الرشيده و أوضح بعض النقاط التي قد تكون غائبه عن منتقديها


المعارضه بتقول المبيدات المسرطنه الي جابت سرطان للشعب المصري أرد و أقول بلاش افترا اتقوا الله

الموضوع ان وزارة الزراعه بتشغل وزارة الصحه
وزارة الزراعه تستورد المبيدات المسرطنه و الشعب يصاب بالسرطان فوزارة الصحه تمارس دورها و تعالج الشعب المصري الاصيل

المعارضه بتقول انتشار الرشوه و الفساد الاداري في مصر
شوفوا الظلم بقي طبعآ الكلام ده لا اساس له من الصحه بتوع المعارضه هما الي نيتهم وحشه فين الرشوه دي
دول هداياااا للموظفين الحكومين من اخوانهم المواطنين المصريين و زي ما احنا عارفين احنا اسره واحده في وطن واحد
ايه المشكله ان المواطن المطحون الي مش لاقي ياكل و عنده مصلحه في جهه حكوميه يهادي اخوه الموظف الحكومي الي بياخد مرتب
علشان خدمه المواطن ده
و تزود المحبه بين افراد الشعب المصري و كده الحكومه بتخلق نوع من الاخاء


نيجي بقي للأقوال و الشائعات المغرضه الي بتقول في أزمه في رغيف العيش و السلع الغذائيه الأساسيه المدعمه فيها نقص
و غلاء في الاسعار و انخفاض في الدخل
مش عارفه الناس الي معندهاش ضمير دي عايزه ايه من الحكومه الي مقطعه نفسها علشان خدمة الشعب
طبعآ كلنا مؤمنين صوموا تصحوا و كلنا عارفين ان في الصيام صحه
الحكومه المؤمنه بتطبق المبدأ ده عايزه الشعب صحته تبقي تمام
كمان لاحظت انتشار الكروش بين مختلف فئات الشعب المصري فقالت تمشي الشعب علي ريجيم قاسي من اجل تحسين
صحة هذا الشعب

و نيجي بقي لموضوع حواث القطارات المصريين الي بيموتوا بالآلاف في الحوادث دي
الحكومه بتبعت ابناء هذا الشعب المكافح شهداء ابرار الي جنة الرحمن
مش فاهمه الشعب عايز ايه اكترمن كده
يعني مهنياهم دنيا و اخره
يعني تفتكروا حكومتنا الذكيه المتفوتره عاجزه عن توفير فرص عمل ؟؟؟؟؟

لاء طبعآ .. البلد قادره وكل حاجه بس هدفها
تقوية الروابط الاسريه بس الحكمه ان من البطاله ممكن الراجل يفضل قاعد في البيت جنب مراته و عياله و يبقوا اسره سعيده مترابطه مش احسن مايسيبهم كل يوم و يرجع تعبان من الشغل

الحكومه ذات القلب الرحيم مش عايزه تحرم طفل من ابوه ابدآآآ


في قله منحرفه بتتكلم عن ان
مصر علي شفا قيام فتنه طائفيه بين المسلمين و المسيحين

احب قول ان ده مش هايحصل ..ولا انتوا مشفتوش شيخ الازهر وهو بيبوس البابا شنوده و هو مسبله عيونه
ولا بتشوفوا الشيوخ ماسكين ايد القساوسه في منتهي الرقه والحنيه




أحب اعتذر للحكومه الشقيانه الغلبانه و اقولها معلش احنا شعب ابن شحيبر




و في الختام نغني كلنا
هشتكنا و بشتكنا يا ريس ده انت رئيس و النعمه كويس
هشتكنا و بشتكنا يا ريس يا مشخلعنا يا مدلعنا


أقرأ ايضاً



هشتكنا وبشتكنا يا ريس

 
3 April، 2010, 9:13 PM   #2
الكاتب MOODY



هههههههههههههههههه

بس يا أسراء الكلام ده مش صحيح



ما الناس مبسوطه اهو وعايشين احلى عيشه حتى من الامبساط الراجل زهق قال اريح شوية جمب حبيبى




ربنا يحميك يامظبطنا


شكرا على التوبيك يا أسراء وربنا يكون فى عون الشعب الغلبان


أقرأ ايضاً



 

Powered by vBulletin®Copyright ©2000 - 2014
جميع الحقوق محفوظة لمنتديات شباب اليوم 2018
المواد المنشورة فى موقع شباب اليوم لاتعبر بالضرورة عن وجهة نظر الإدارة وإنما تعبر عن وجهة نظر كاتبها