النقاب والطالبه والدين والدراسه -- موضوع مهم جدا اتمني الدخول للاهمية من Sp!deR M@N
شباب اليوم

العودة   منتديات شباب اليوم > المنتدي العام والنقاش > منتدي المواضيع العامة والنقاش



النقاب والطالبه والدين والدراسه -- موضوع مهم جدا اتمني الدخول للاهمية

بسم الله الرحمن الرحيم السلام عليكم ورحمة الله وبركاته الموضوع مهم جدا والله لكن مسلم ومسلمه لكل رجل ومراة لو بتعزوني فعلا اقروا الموضوع ده من اوله لاخره موقف حصل

 
1 February، 2010, 2:17 PM   #1
الكاتب Sp!deR M@N


بسم الله الرحمن الرحيم
السلام عليكم ورحمة الله وبركاته


الموضوع مهم جدا والله لكن مسلم ومسلمه
لكل رجل ومراة
لو بتعزوني فعلا اقروا الموضوع ده من اوله لاخره
موقف حصل قدام عنيا فعلا
كانت اطرافه هي الاتي
النقاب - الطالبات - الدين - الدراسة

وهي اني دلوقتي عندي امتحانات
وبمتحن في لجنة طبعا
واللجنه فيها ولاد وبنات طبعا
فيهم المسلمين وفيهم المسيحيين
وفيهم المنتقبات وفيهم المحجبات

اول يوم امتحان عندي كان عادي جدا
تاني يوم حصل موقف نرفزني جدا جدا
اللي حصل الاتي

المراقبه المسلمة المحجبه اللي في اللجنه
عماله تزعق وتقول ان المنتقبات لازم يرفعوا النقاب
واللي مش عاجبها تطلع بره اللجنه ومتمتحنش
لان دي قرارات وتعليمات لازم ينفذوها
وتزعق في المنتقبات وتزعق لدي ودي ودي
وجه وكيل الكلية ومش عارف مين قعد يزعق برده
ويخلي الطالبات المنتقبات ترفع النقاب ووشها يبقي ظاهر وباين
واللي تعيط من الظلم اللي عليها واللي رفضت وخرجت بره اللجنه والامتحان وممتحنتش
وطبعا النفسية باظت عند كل البنات
ال وايه
يقولولهم لو لابسين الماسك عادي
طيب ما يا اغبية الماسك بياخد نص الوش او معظمه
يعني هو والنقاب واحد مفيش فرق ما بينهم
وان الماسك هو كمان مش بيبن ملامح الطالبه ولا هيعرفك هي مين
غير انه بيبن اجزاء من وجهها يبقي انتم عاوزين تتفرجوا والمسالة مش مسالة تبديل
انا شخصيا كنت هقوم ازعق في المراقبين ووكيل الكلية اول واحد
بس قلت انا هعمل ايه
هزعق وهنطرد وهيتلغي الامتحان
ومفيش حاجه هتحصل غير اني خسرت مستقبلي علي الفاضي
اكتفيت باني بصيت في الورقه بتاعتي والارض عشان الطالبات تبقي واخده راحتها
ومتبقاش خايفه ان في ولاد باصه عليها
يمكن ده اللي قدرت اعمله
ويمكن يكون قليل وكان المفروض مني فعلا ازعق واعمل مشكلة
بس انا عارف لان هم مش خسرانين حاجه
دي تعليمات اللي بيعارض بيطلع بره
لو اللجنه كلها طلعت بره مش هتفرق معاهم
وهبقي انا اللي خسران

اللي عرفته من كلامي مع اصحابي ان ده ال ايه عشان خاطر في رجاله بتيجي بدل الطالبات دي
بتمتحن مكانهم
او طالبات تانية بتكون مذاكره تقوم تستخدم النقاب عشان تبدل مع صاحبتها وتدخل امتحانها
طيب لو هو ده فعلا السبب
ايه لزمة المراقبات في اللجنه انا عاوز افهم؟
انا عاوز افهم
اللي اعرفه
ان المراقبه بتبقي شايفه الولاد عادي
ومصرح انها تشوفهم
ونفس الشئ البنات والمنتقبات لانها ست زيهم
اللي اعرفه بقي ان المراقبه هي اللي تمسك الكشف اللي فيه اسم الطالب وصورته
ولما توصل للمنتقبات تقولها ترفع النقاب دقيقه واحده تشوف تطابق الصور وتنزل النقاب عادي تاني
وكمان اساسا الطاولات والطرابيزات والديسكات اللي بنمتحن عليها بيبقي عليها ورقه ملزوقه
فيها بيانات الطالب وصورته
يبقي ايه لزمة انهم يخلوا المنتقبات يرفعوا النقاب وتوصل لالغاء الامتحان ليهم
وكان في سبب تاني
انهم بيقولوا ان النقاب مش فرض ولكن تطوع مش اكتر
دول جهله والله العظيم
اللي اعرفه برده ان ربنا قال
ان الحجااااااب فرض
وهو ظهور الوجه والكفين فقط
واذا كانت الفتنه وان رغم لبس الحجاب برده فيه فتنه وفي نظرات ومعاكسات اليهم
وان البنت جميله لدرجة ان جمالها فاتن وظاهر حتي بالحجاب
يبقي النقاب فرض اساسي وغطاء الوجه والكفيف فرض وواجب

يا جماعه انا عاوز افهم
ربنا يعني سبحانه وتعالي
فارض الحجاب لعبه لينا
نلعب ونتزوق يعني؟
محدش فكر في ايه الغرض من الحجاب
الحجاب غرضه حجاب المرأة عن الرجل
وصونها وعفافها وحفظها من نظارت الرجل ومعاكساته اليها

يبقي ازاي يا مسلمين يا مؤمنين يا موحدين
ازاي تقولوا ان النقاب تطوع وفي اللي بيقولوا بدعه
ويجبروا المنتقبات علي رفع النقاب اثناء الامتحان
واللي مش عاجبها يطردوها ويلغوا امتحانها ويسقطوها

لا وايه شوفوا البراده
مش ييجي المشرف وللا وكيل الكلية ويقول للبنت ترفع النقاب
ويمشي او يودي وشه الناحيه التانيه عشان مش يحرجها
لا ده يخليها ترفع النقاب قدامه ويفضل باصصلها ربع ساعه
والله مفيش ادب واحترام
وبقي الدين اخر حاجه بيفكروا فيه لا وايه
بينصروا الاديان التانيه عليه
يعني البنات اللي بتيجي بكت ونص كم وبرموده
وجيبه فوق الركبة
ده كمان مش حرام؟
مش لازم نمنعه؟
وللا عشان عاجب اهاليكم وبيرضي شهواتكم توافقوا عليه
استغفر الله العظيم من كل ذنب عظيم
والله حال البلد اتقلب
وانتظروا سقوط مصر في اقرب وقت بالطريقة دي
انتم هبل وللا مجانين وللا اغبية
فكركم مصر دي صامده ازاي
بالعضلات والقوة والسلام والهبل ده كله
مصر صامدة بصرتها لدينها وتمسكها بالدين
ولكن بالطريقة دي؟ لما نيجي حتي علي دينا؟
لما ندوس علي دينا؟
يبقي انتظروا غضب ربنا علي مصر
وانتظروا الدمار الاكيد لا محال
ياما ربنا اطاح بمدن ودول وبلاد
بسبب غضبه عليهم بسبب طغوانهم علي دينهم


انا مش عارف الحل ايه دلوقتي
موضوع مهم جدا صعب السكوت عليه
وايد لوحدها مبتصقفش
وصوت واحد مش هيوصل
اللي عاوز اعرفه في وجهة نظركم
ايه الحل اللي ممكن نعمله
يا ريت تساعدوني عشان انا تعبت بجد
واسف علي الاطاله


أقرأ ايضاً



النقاب والطالبه والدين والدراسه -- موضوع مهم جدا اتمني الدخول للاهمية

 
1 February، 2010, 2:31 PM   #2
الكاتب PrInSiSa


اول شي لا حول ولا قوة الا بالله
انا بجد مش عارفة اقول ايه
المشكلة دي موجودة في مصر
واللهينتقم من اللي كان السبب في اشتعال هذه الحرب
بالنسبة للحل؟؟؟
بجد انا شايفة انو صعب يكون حل للمشكلة دي
غير لو الله هداهم لهالمراقبين ولهالشيوخ اللي عاملين على الناس شيوخ

جزاك الله الف خير يا سبيدرمان على الطرح
البرنسيسة

أقرأ ايضاً



 
1 February، 2010, 2:33 PM   #3
الكاتب dodty


بسم الله الرحمن الرحيم
فعلا يا اسبيدر موضوع مهم جدا
بس انا هعلق على كلامك لان النقاب مش فرض على الفتاه ربنا مش قال كده وبعدين زى ما انت قولت ان من الممكن ان تيجى ولاد او بنات تانيه مكان الطالبه فعلشان كده هما مشددين على الحكايه دى ومش بس كده ده منعين اى مدرسه تدخل مدراسه بنقاب واذا لم توافق تترافد فورا
بس لو فى زى ما بتقول اسماء الطلاب وصورهم
كده يبقه عادى يدخلو وتيجى المراقبه تشوف البنات المنقابه اذا كانت هى ام لا بس حكايه منعاها من الامتحان ده ظلم كده بضيع مستقبلهم
او حل تانى انهم يعملو لجنه للبنات المنقابه لوحدهم وتكون عليهم مراقبه ويرفعو النقاب برحتهم
وياريت اكون قدرت افيدك
أقرأ ايضاً



 
1 February، 2010, 2:49 PM   #4
الكاتب أبـــــو فـــراس


اقتباس
او حل تانى انهم يعملو لجنه للبنات المنقابه لوحدهم وتكون عليهم مراقبه ويرفعو النقاب برحتهم

اعتقد ان حل ساسو ممكن يكون الاقرب للصواب
للاسف انا بسمع بالحاجات دي
والله الواحد مش عارف يقول ايه من كتر ما بيتعصب
بس الحمد لله عندنا في مدينتنا معظم البنات منتقبات
والمراقبين والمسؤلين بيخافوا
من قوة القبائل لان القبيلة ممكن تقتلوا لو عمل مثل هيك حكي
انا طبعا باحمد ربنا علي دا
بس دا ما يمنعش ان الامر ممكن يحدث عندنا خصوصا
ان دا بقا اتجاه الدولة
خاصة بعد فضيحة الطنطاوي


ربنا يستر
أقرأ ايضاً



 
1 February، 2010, 3:46 PM   #5
الكاتب Sp!deR M@N


اقتباس

المشاركة الأصلية كتبت بواسطة prinsisa

اول شي لا حول ولا قوة الا بالله
انا بجد مش عارفة اقول ايه
المشكلة دي موجودة في مصر
واللهينتقم من اللي كان السبب في اشتعال هذه الحرب
بالنسبة للحل؟؟؟
بجد انا شايفة انو صعب يكون حل للمشكلة دي
غير لو الله هداهم لهالمراقبين ولهالشيوخ اللي عاملين على الناس شيوخ
جزاك الله الف خير يا سبيدرمان على الطرح
البرنسيسة



فعلا عندك حق والله يا برنسيسه
عاملين علينا شيوخ وهم اساسا مينفعوش حاجه اساسا
وشاطرين يحللوا الحاجات اللي اصحاب النفوذ والسلطات تبقي عاوزاها
بقي الدين والفتاوي لاصحاب النفوذ مش لله
استغفر الله العظيم وحسبي الله ونعم الوكيل فيهم
وشكرا علي مرورك يا برنسيسه
اسعدني ردك والله

اقتباس

المشاركة الأصلية كتبت بواسطة saso

بسم الله الرحمن الرحيم
فعلا يا اسبيدر موضوع مهم جدا
بس انا هعلق على كلامك لان النقاب مش فرض على الفتاه ربنا مش قال كده وبعدين زى ما انت قولت ان من الممكن ان تيجى ولاد او بنات تانيه مكان الطالبه فعلشان كده هما مشددين على الحكايه دى ومش بس كده ده منعين اى مدرسه تدخل مدراسه بنقاب واذا لم توافق تترافد فورا
بس لو فى زى ما بتقول اسماء الطلاب وصورهم
كده يبقه عادى يدخلو وتيجى المراقبه تشوف البنات المنقابه اذا كانت هى ام لا بس حكايه منعاها من الامتحان ده ظلم كده بضيع مستقبلهم
او حل تانى انهم يعملو لجنه للبنات المنقابه لوحدهم وتكون عليهم مراقبه ويرفعو النقاب برحتهم
وياريت اكون قدرت افيدك




بالنسبالك انتي بقي يا ساسو
اولا شكرا علي مرورك علي التوبيك
وردك الجميل ده
بس انا معترض معاكي
في نقطة ان النقاب مش فرض
اولا ربنا عرفوه بالعقل
ركزي معايا بقي وكل اللي متفقين معاها يركزوا معايا
اولا الحجاب الغرض منه ايه بالظبط ربنا فارضه ليه؟
عشان يستر البنت ويعفها
طيب هيسترها من ايه وللا من مين؟
من البنات التانية وللا من الحيوانات والطيور وللا من الولاد؟
طبعا من الولاد والشباب والرجاله
طيب اوكي
عشان كده ربنا فرض الحجاب علي المسلمات
واللي مبتلبسهوش بتتحاسب علي كده
اوكي
لما تكون الواحده عادي لابسه الحجاب وكل حاجه زي ما ربنا فرض
لكن هي بسم الله ما شاء الله جميله وجذابه
ممكن بقي نقول بشرتها جميله وعيونها جميله وكده
والناس رغم حجابها برده بيعاكسوها وبيبصوا عليها
ومش بيرحموها من نظراتهم ولا معاكساتهم ولا كلامهم ولا التحرش بيهم
يبقي الغرض من الحجاب متحققش في الحجاب العادي
يبقي النقاب في الوقت ده بقي فرض ليها
لانه بقي الحل الوحيد للبنت او الست عشان تتستر
لان ربنا غرضه الاول والاخير سترة البنت
عشان كده الحجاب اتفرض
لما الحجاب ميحققش الغرض لجمال البنت او لاي سبب اخر
يبقي لازم وواجب وفرض النقاب في الوقت ده
لان عمري ما شوفت حد بيعاكس واحده منقفه
لانه اساسا مش هيعرف شكلها حلو وللا وحش
ومفيش منتقبات بتتعاكس غير المنتقبات اللي اعوذ بالله منهم
اللي بيبقوا بقي تهريج زياده جدا مع الشباب
وحطين مكياش خصوصا علي عنيهم عشان تبان
بس ده قليل جدا انا عن نفسي عمري في حياتي ما شوفت منتقبه بتتعاكس
عشان كده الحجاب فررررررررررض لما الحجاب مش يقوم بالغرض اللي مفروض بسببه
يا رب نكون اقتنعنا

وبالنسبة للحل اللي انتي اقترحتيه
فعلا المفروض يعملوا لجنه للمنتقبات
بس علي المنتقبات اللي عاوزه تروحها تقدم طلب رسمي
عشان في بنات كتير بتدلع
تلبس النقاب وبعد فتره تقلعه وبعدين ترجع تلبسه
وتهريج ماسخ ملهوش لزمه
وكمان في حل تاني فكرت فيه
لما هم عمالين يزعقوا في اللجنه
كان المفروض يجيبوا كل البنات المنتقبات قدام
وترجع الولاد مكانهم ورا
عشان البنات مش تنحرج
وعشان محدش يشوفهم من الطلبه الولاد
والمراقبين الرجاله يمسكوا اللجنه من ورا والمراقبات من قدام

اقتباس

المشاركة الأصلية كتبت بواسطة كامل الاوصاف

اعتقد ان حل ساسو ممكن يكون الاقرب للصواب
للاسف انا بسمع بالحاجات دي
والله الواحد مش عارف يقول ايه من كتر ما بيتعصب
بس الحمد لله عندنا في مدينتنا معظم البنات منتقبات
والمراقبين والمسؤلين بيخافوا
من قوة القبائل لان القبيلة ممكن تقتلوا لو عمل مثل هيك حكي
انا طبعا باحمد ربنا علي دا
بس دا ما يمنعش ان الامر ممكن يحدث عندنا خصوصا
ان دا بقا اتجاه الدولة
خاصة بعد فضيحة الطنطاوي


ربنا يستر



فعلا يا كامل والله
الموضوع بقي صعب جدا بعد سي طنطاوي ده
وان الدول خلاص نسيت دينها
والشيوخ بقت توابع للدوله
واللي دوله تقول عليه حلال يبقي حلال
واللي تقول عليه حرام يبقي حرام
نسيوا ربنا والعياذ بالله
حسبي الله ونعم الوكيل فيهم واستغفر الله العظيم منهم
أقرأ ايضاً



 
1 February، 2010, 5:10 PM   #6
الكاتب HMSAT




السلام عليكم و رحمة الله و بركاته
اولا احييت على موضوعك
و انك فتحت الغطاء على حقيقة مرة
مش عارفة اوصفها بكلمة واحده غباء , استهبال , استعباط
مش عارفة الدين واضح و مش محتاج لف ولا دوران و النقاب زي ما قولت فرض و وضحت كل حاجة
بس اللى هما بيعملوه ده تحس انهم منومين مغناطيسيا ما بيفكروش بينفذوا وبس
و المشكله ده حصلت مع واحده صاحبتي و حصلت مشاكل بس الحمد لله عدت بسلام
بس بقول حسبي الله و نعم الوكيل فيهم
و استغفر الله العظيم
شكرا كتير يا سبيدر
تحياتي ليك
نونا الشعنونا
أقرأ ايضاً



 

Powered by vBulletin®Copyright ©2000 - 2014
جميع الحقوق محفوظة لمنتديات شباب اليوم 2018
المواد المنشورة فى موقع شباب اليوم لاتعبر بالضرورة عن وجهة نظر الإدارة وإنما تعبر عن وجهة نظر كاتبها