كلمات حزينه قصيرة مصريه 2018 خواطر حزينه 2018 اشعار حزينه جديدة 2018 من Ahlam - الصفحة 2
شباب اليوم

العودة   منتديات شباب اليوم > منوعات شباب اليوم > منتدي الشعر والخواطر كلمات حب حزينة

 
18 September، 2015, 5:11 PM   #7
الكاتب MOODY


بادينا نشق الغيم
وننزل منها المطره
وبفاس ع الأرض البور
هنطلع منها الخضرة
ولا شوك نابت هيحوشنا
ولا جمر النار يبعدنا
الحلم النابت فينا
هيهد في أصلب صخرة
نازلين حالفين على روحنا
لنعلي في سقف طموحنا
ونعدي حدود الحد
وهنسبق كلمة بكرة
ياشباب من طين في الخلقة
وطْموح من نار جواه
والطين والنار والحرقة
بالصخر يحطو خطاه
حالفين لنلاقي طريق
نبنيه بادينا الحرة
افكارنا هتكبر بينا
و الشجرة وكانت بذره
وطريق الناجح دايما
يبدأ في الأول فكرة


أقرأ ايضاً



 
18 September، 2015, 5:11 PM   #8
الكاتب MOODY


وفاحت رائحة الذكرى
وتراقص للعين خيال
وشممت الطيب يغطيها
والذكرى تضفيه جمال
ورأتني عيني والصحبة
وفصولا جمعت أجيال
ها أجلس في التختة الأولى
والصف يمين السبورة
ويميني .. خلفي .. وشمالي
وضعت أدراج الأطفال
وموسيقى رنين الاجراس
تعلمنا بقدوم الفسحة
لا نسأل ما نفعل فيها
فسنلهوا على أية حال
ويعود الجرس يصارعني
فتسير جيوش الأطفال
تحتل فصول المدرسة
نستكمل باقي الأعمال
كتبات وشروح دروس
وسؤال وجواب سؤال
وأمامي كانت قدوتنا
تلقينا أغلى الأقوال
أيام عاشت في الماضي
في قلبي أجمل موال


أقرأ ايضاً



 
18 September، 2015, 5:11 PM   #9
الكاتب MOODY


2- ليه ؟
لأن القلب بيشاور
اذا شاف حد يندهله
وقلبي لما كان فاضي
سمعها فهدى على مهله
فقرب قلبي لقليبها
لقيها كمان بتشبهله
لقي قلبي صدا قلبه
في قلب حبيب بيرتاحله
فقرر يشتري فرحة
لقي الفرجة بتتباعلو
أنا عاشق وقلبي وقلبها اتقابلو
ودي اجابة ...






أقرأ ايضاً



 
18 September، 2015, 5:12 PM   #10
الكاتب MOODY


هأكتب كتابي أسئلة
اجابتها حالتي وقصتي
ازاي ؟ وليه ؟ طب مين ؟
ويعني هو اشمعنا دي؟
..........
1- ازاي ؟؟
لأن الرمش صابني
ولأن سهم عيونها جابني
فلما رحت عندها
تهت في بحورها وكله سابني
أنا الغرقان في لمسة كف من ايدها
تداوي الجرح جوايا
وأنا الدايب في بسمة من شفايفها
وغمزة ويا ضحكاية
وأنا المقتول بنظرة عين
معاها أنا بأنسى دنيايا
أنا عاشق .....
وعشقى قصة وحكاية
ودي اجابة ..


أقرأ ايضاً



 
18 September، 2015, 5:12 PM   #11
الكاتب MOODY


لسه مملتش
وبأدور ع الابره بتاعتي
في أكوام القش
يمكن من كتر جنون البحث
أصعب ع الزمن الي بعدنا
فيجيبك بالصدفه البحته
في القشة الجاية ويجمعنا
عايش على أمل اني ألاقيكي
فأصلح غلطه أيامي
وهركز جامد في عنيكي
وأمسك في وجودك قدامي
وهصارحك بالي أنا خبيته
وبكام سنه جيتي في احلامي
وبكام سنه كنت أنا بأدور
على ذكرى جميله في كوم القش
ونتيجة البحث ...
النفس الي تصارح دايما
بتعيش في حياتها متتعذبش
والنفس الي تخبي شعورها
بتعيش الدنيا الي متتعش
دا لأن العاشق بيقولها ويعيش بيها
والي يداري مشاعره بيكدب
فيعيش أيامه بمليون وش
وأنا عادي بأسجل قدامكو
ان أنا كداب
وحياتي وشعري الي اتلون
كان كدب وغش
أقرأ ايضاً



 
18 September، 2015, 5:19 PM   #12
الكاتب MOODY


بمناسبة مرور أول سنة على جوازي بأبعت القصيد دي للانسان الي شاركتني حياتي وشاركتها حياتها
.
.
فاتت سنة
فاتت سنة وأدينا أهو مع بعضنا
وسقف بيتنا بيبتسم اكمنه لامم شملنا
فاتت سنه
فاتت سنه وسقيتي قلبي بفرحتك
طرحت حياة واتجسمت
بقى ابن يجمع اسمنا
فاتت سنة
فاتت سنة بمليون سنه من عمر حى
دا لأني عايش كل لحظة بدوقها مي
فزرعت فيكي حصدت منك .. ابننا
فاتت سنه
فاتت سنة على كل حرف كتبته ليكي
يجوز بالفعل الوصف قصر
لكنه عاجز يحتويكي
وهيعمل ايه الحرف قدام حبنا
فاتت سنة
فاتت سنة عدينا ع الشوك والحرير
فاتت سنة اتحدينا فيها حاجات كتير
فاتت سنة حالفين نكمل عمرنا
بنفس السنه لسنين كتير
فاتت سنة
فاتت سنه وبقينا فيها 3 حاجات
الأب والأم وضنانا
ولسه باقي الأمنيات
عكاز وشيبة .. وطفل يناديني يا جدو
ويبقى ابن لابننا
فاتت سنه
عقبال يا قلبي في تورته جاية


الكحل لإسود ..
زان للصبايا عنيها
والكعبة كسوتها ..
السودة حواليها
والليل سماه سوده ..
النجم بان فيها
والمسك لونه أسود ..
وجماله ماله زي
وبدون سواد الليل ..
ميبانش نور الضي
واللوحة تتحدد ..
بالخط لون أسود
والخط لو أبيض ..
يظهر في لوح أسود
والبدلة للعرسان ..
دايما بلون أسود
لما تكون دنيا ..
أحلى مافيها سواد
وأسوأ ما فيها اسود ..
فيجينا لبس حداد
يا دنيا ليه سودا ..
في الزينه ويا الجرح
سودا في يوم حزنك ..
وسودا يوم الفرح
وأنا شِعري من لوني ..
مليان جراح وبعاد
فمتقولوش دا كئيب ..
الأصل فيها سواد
أقرأ ايضاً



 

الكلمات الدلالية (Tags)
2015, اجمل كلام, اجمل كلام حب, احلى كلام, اروع كلام, اسعار, اشعار 2015, حب, حب 2015, رومانسية 2015, كلمات 2015, كلمات اغانى, كلمات جديده, كلمات جديدة, كلمات حزينة, كلمات رومانسية, كلمات غرام, كلمات غزل, كلمات فراق, كلمات قصيرة, كلام رومانسي, عتاب 2015, قصائد, قصائد حب, قصائد حزينة, قصائد رومانسية, قصائد قصيرة

أدوات الموضوع
انواع عرض الموضوع


مواضيع اخري كلمات حزينه قصيرة مصريه 2018 خواطر حزينه 2018 اشعار حزينه جديدة 2018
احدث رسائل مصريه 2019 ، مسجات مصريه منوعه 2018
مسجات مصريه حديثه 2018 ، رسائل مصريه جميله قويه 2018
تفاصيل عمل عجه مصريه بالصور 2018 - طرق جديدة لعمل عجه مصريه 2018
احدث رسائل جرح حزينه مصريه 2018 - مسجات جرح حزينه مصريه منوعه 2018
طريقة عمل كفتة مصريه بالصور,عمل كفته مصريه
سياسة الخصوصية - sitemap - RSS
الساعة الآن 7:41 PM

Powered by vBulletin®Copyright ©2000 - 2014
جميع الحقوق محفوظة لمنتديات شباب اليوم 2018
المواد المنشورة فى موقع شباب اليوم لاتعبر بالضرورة عن وجهة نظر الإدارة وإنما تعبر عن وجهة نظر كاتبها