رساله من محمد علاء مبارك الى اهله من Monty
شباب اليوم

العودة   منتديات شباب اليوم > المنتدي العام والنقاش > منتدي المواضيع العامة والنقاش



رساله من محمد علاء مبارك الى اهله

رساله من محمد علاء مبارك الى أمه و جده حسنى مبارك ازيك يا مامي وحشتيني قوي انتي و بابي واخويا الصغير وجدو وتيتة وعمو جمال وكل اصحابي . مصر

 
29 September، 2011, 7:31 PM   #1
الكاتب Monty



n88690667126_2244082

رساله من محمد علاء مبارك الى أمه و جده حسنى مبارك
ازيك يا مامي وحشتيني قوي انتي و بابي واخويا الصغير وجدو وتيتة وعمو جمال وكل اصحابي .
مصر كلها وحشتني يامامي يوم 25 يناير صحابي في الجنة نادولي وقالولي تعالي بسرعة يامحمد في ناس من بلدك دخلو الجنة قولتلهم مصريين! قالو ايوة دول شهداء كمان يامحمد... جريت بسرعه معاهم اشوف الشهداء اللي من بلد...ي واسلم عليهم وافتخر بيهم وكل يوم بيجي شهداء تانيين ولما كثرو قوي يامامي وذادوا ووصلوا اكتر من 300 شهيد
قلت لصحابي وانا فرحان عارفين دا اكيد جدو بيقود مصر في حرب تانية علي اسرائيل او اعدء تانيين روحت يامامي وقعدت معاهم علشان يحكولي عن جدو القائد واللي بيعملة واسمع بطولاتهم ولما سألتهم هي مصر بتحارب مين وانتو استشهدتواازاي وفين ؟؟؟؟ وجدو كرمكم قبل ماتيجوا الجنة !!! بصوا لبعض ومحدش رد !!! سألت تاني ردوا عليا مين قتلكوا ؟؟؟؟؟ واتقتلتوا برصاص اسرائيل ولا مين ؟؟؟؟؟ وجدو عمل اية في اللي قتلكوا! ولما بكيت لاول مرة لان الجنة مافيهاش حزين قالولي لا مش اسرائيل دة رصاص مصري يامحمد حراس جدك يامحمد هما اللي قتلونا لقتني مش فاهم حاجة صرخت وقلت مش عاوز اسمع حاجة وجريت ورحت قعدت لوحدي لكن الشهداء جم وقالولي متبكيش يامحمد انت ملكش ذنب وخدوني في حضنهم وطبطبوا عليا حسيت بدفا حضنك يامامي وهما بيضموني في صدرهم رفعت راسي وقلتلهم انتو طيبين قوي.... قالولي مش احنا بس اللي طيبين دة كل المصرين طيبين يامامي انا مش هاسأل حصل اية ولا عاوز اسمع حاجة لكن قولي لجدو انا مش اغلي من اي واحد منهم عند ممتو وزي ماحسيتي يوم ما انا مت اوصفيلة كل ام حاسة بأية دلوقت وقوليلة انتي لاني انا مخاصمة.... ازاي هان علية كل الناس دي ومعملش حاجة لللي قتلهم قوليلة لازم يبرد قلوب الامهات والابهات دا الابن غالي وانتي عارفة يامامي ويابابي قولو لجدو انة خلاص مبقاش ينفع يبقي رئيسها بعد اللي حصل جدو لازم يرتاح في بيتة ويسيب مصر لولادها هما اولي بيها وانا هادعيلة ربنا يغفرلة وقبل ما اخلص كلام يامامي اهم حاجة والكلام دة لبابي وعمو جمال وجدو قبل ماتسبوها لولادها يديروها اوي يكون يابابي في مالك انت وعمو جمال وجدو حق لمصر وللمصرين وخدتة اوعو يابابي.... انا بحبكو ومقدرش اشوفكوا شايلين زنب زي دة اوعوا يابابي مال الشعب الطيب الغلبان الشقيان تاخدوة معاكوا تصرفوا وتعيشوا منة بقيت حياتكوا . اوعي يابابي اخويا الصغير ياكل ويعيش ويتربي بمال مش من حقة وفية مصرين كتير مش لاقيين. ساعتها تبقي كتبت عليا افارق اخويا دنيا واخرة لانة لازم يتربي بمال حلال عشان اقابلة يوم في الجنةوقول لجدو وتيتة وعمو جمال وطنط خديجة ان الجنة حلوة قوي احلي من اي حاجة ولا اي مليارات مش حلال تستاهل يضحوا بالجنة عشانها دا ربنا بيسأل عن كل جنية كسبتة ازاي وصرفتة في ايه والسلام عليكم ياعيلتي اللي بحبها والسلام تحية


أقرأ ايضاً



رساله من محمد علاء مبارك الى اهله

 
29 September، 2011, 7:45 PM   #2
الكاتب مصراوي


بتقول لمين يا محمد
جدك اللى مش عايز يقول انا غلطت فى حق الشعب
وعايز اعمل حاجة حلوة فى حياتى
ولا ابوك اللى سرق البلد هو وعمك
وقتلو كتير من شبابنا
وجابولنا الامراض والسرطانات
منة لله
ربنا رحمك منهم
عشان بيحبك مش عايزك تعيش مع الفسدين الظالمين
تسلمى يا اختى العزيزة بس للاسف
الرسالة مش وصلت
الناس دى مش شايفة حاجة قدامهم
شكرا على التوبيك

أقرأ ايضاً



 
29 September، 2011, 8:32 PM   #3
الكاتب Monty


اقتباس

المشاركة الأصلية كتبت بواسطة مصراوى

بتقول لمين يا محمد
جدك اللى مش عايز يقول انا غلطت فى حق الشعب
وعايز اعمل حاجة حلوة فى حياتى
ولا ابوك اللى سرق البلد هو وعمك
وقتلو كتير من شبابنا
وجابولنا الامراض والسرطانات
منة لله
ربنا رحمك منهم
عشان بيحبك مش عايزك تعيش مع الفسدين الظالمين
تسلمى يا اختى العزيزة بس للاسف
الرسالة مش وصلت
الناس دى مش شايفة حاجة قدامهم
شكرا على التوبيك

بيقول للجنه بقا
اطمن مصراوى مصر راجعه تانى افضل وافضل
ان غدا لنظره قريب
بارك الله لك ورزقك رضوانه وفردوسه

أقرأ ايضاً



 
29 September، 2011, 8:34 PM   #4
الكاتب MOODY


ربنا يرحمك يا محمد مع انى كنت بحب ابوك جداا لانه بيحب اسماعيليه اووي ومتجوز منها
بس ابوك زي عمك وزي جدك كلهم كدا .. ربنا بيحبك يامحمد

شكرا على التوبيك ياسلمي
أقرأ ايضاً



 
29 September، 2011, 8:35 PM   #5
الكاتب Koky


للاسف الا الموت ..

المفروض كان اتعظ هو ومراته وجمال وعلاء من موت حفيده

الموت هو الحقيقه الوحيده ف حياتنا وللاسف متعظش

موت ناس ولسه بيقاوح

ربنا موجود

ويرحم كل الاموات

تسلم الايادى يا سلمى
أقرأ ايضاً



 
29 September، 2011, 9:57 PM   #6
الكاتب نبع الوفاء


تسلم ايدك
طرح راقى

أقرأ ايضاً



 

Powered by vBulletin®Copyright ©2000 - 2014
جميع الحقوق محفوظة لمنتديات شباب اليوم 2018
المواد المنشورة فى موقع شباب اليوم لاتعبر بالضرورة عن وجهة نظر الإدارة وإنما تعبر عن وجهة نظر كاتبها