ازاى تعرف المصرى من غيره ؟ من Amira
شباب اليوم



العودة   منتديات شباب اليوم > المنتدي العام والنقاش > منتدي المواضيع العامة والنقاش



ازاى تعرف المصرى من غيره ؟

لو سألت سواق تاكس على عنوان وبدل ما يدلك قالك امشي ورايا .. - يبقـى مصـري - لو صليت في مكان وبعد الصلاة اللي جنبك مد ايده

 
14 May، 2011, 10:07 PM   #1
الكاتب Amira



لو سألت سواق تاكس على عنوان وبدل ما يدلك قالك امشي ورايا ..

- يبقـى مصـري -

[ وعلى فكرة ساعات بيغير اتجاهه عشان عنده رغبة صادقة يوصلك وخايف تتوه ]


لو صليت في مكان وبعد الصلاة اللي جنبك مد ايده وقالك تقبل الله ..

- يبقـى مصـري -


إذا سمعته بعد أن يضحك يقول " خير اللهم إجعله خير " ..

- يبقـى مصـري -


لو إتصلت بيه في التليفون, وقال لك من غير مناسبة " كل سنة وإنت طيب " ..

- يبقـى مصـري -


لما تقابل واحد علامة وعمره مايقول " ما أعرفش !" ..

- ده مصـري -


لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا ..

- ده بردو مصـرى -


لو دخلت عليه وكان بياكل ولو حتى عيش وبصل .. لازم يقولك اتفضل الأكل .. ويعيدها عليك ثلاث أربع مرات ..

- مصـرى -


و لما عربية تعمل حادثة فى الطريق الصحراوى أو الزراعى,

وفى ثوانى تقف لها خمسين عربية ينقذوا المصابين ويعدلوا العربيات ..

ولو اضطروا يشيلوهم من على الأرض ..

- هـم دول المصـريين -


لما تلاقي ناس بتقضي العيد فى المقابر مع حبايبهم اللي ماتوا ..

- يبقي أكيد في مصـر -


لما تلاقي سيدة في الرايحة والجاية عمالة تدعي لأولادها ..

- تبقى دي أم مصـرية -

وطموحاتها وأحلامها الشخصية فى الحياة إن ولادها يبقوا مبسوطين.


لو شفت عامل اول ماخد اجرته قام رافعها لراسه وبص فوق وحمد ربنا قبل ما يحط الفلوس فى جيبه ..

- يبقـى مصـري -


لو اديت لواحد فلوس وبدأ يعدها بصوت عالي وبدأ بقوله الله واحد ..

ومع الورقة الثانية : مالوش تاني،

ومع الورقة الثالثة: العدد ثلاثة ..

- يبقي أكيد مصـري ابن مصـري -


لما تيجي تدفع الأجرة لواحد أول مرة تعرفه، يحلف عليك تخلي بأه ..

- واحـد مصـرى -


لما تلاقي خناقة فى الميكروباص والأصوات عليت كل واحد فيهم بيحلف إنه يدفع للتاني الاول ..

- دول مصـريين -

لما تلاقي ست البيت بتحوش برطمانات المربي الفاضية سنين طوال بدون استخدام

- يبقي أكيد دي مصـرية -


ولما تلاقى شعب فى اكبر ازمه بيمر بيها مابينساش يضحك ويضحك اللى حوليه

وكل العالم يتكلم عليه ..

يبقى انت اكيد اكيد تقصد اعظم شعب ..

- الشعـب المصـرى -









أقرأ ايضاً



ازاى تعرف المصرى من غيره ؟

 
20 May، 2011, 3:00 AM   #2
الكاتب MOODY


لما نشوف موضوع زي ده لازم اقول
الفخر ليه انى مصري ،،،
شكرا ياهوبة على التوبيك الجميل ده

عجبتنى اووي هههههههههه
لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا ..
- ده بردو مصـرى -

أقرأ ايضاً



 
20 May، 2011, 3:11 AM   #3
الكاتب el malaak


حلو التوبيك اوي
وفعلا هما دول المصريين

أقرأ ايضاً



 
20 May، 2011, 3:25 AM   #4
الكاتب Amira


والله يامحمود ده بيحصل فعلا

اسعدنى مرورك العطر
أقرأ ايضاً



 
20 May، 2011, 10:06 AM   #5
الكاتب أبـــــو فـــراس


اقتباس
لو دخلت عليه وكان بياكل ولو حتى عيش وبصل .. لازم يقولك اتفضل الأكل .. ويعيدها عليك ثلاث أربع مرات ..

- مصـرى -

اه والله فعلا
الحركه دي بضايق انا منها اوي
هههههه


يبقي انت اكيد اكيد في مصر

يسلمووو علي الموضوع الرائع
وفعلا الحاجات دي كلها بتحصل
أقرأ ايضاً



 
28 May، 2011, 11:35 PM   #6
الكاتب ملكة شباب اليوم


اكيد طبعا هما دول المصريين

والله وبيعملوا اكثر من كدا

تسلمى هوبه على التوبيك الجميل

تقبلى مرورى
أقرأ ايضاً



 

Powered by vBulletin®Copyright ©2000 - 2014
جميع الحقوق محفوظة لمنتديات شباب اليوم 2018
المواد المنشورة فى موقع شباب اليوم لاتعبر بالضرورة عن وجهة نظر الإدارة وإنما تعبر عن وجهة نظر كاتبها